Stjórnin heldur óslitnum völdum eftir tólf þingkosningar

Þjóðarfylkingin, flokkur Najibs Razak forsætisráðherra, fékk 112 af 222 þingsætum sem í boði voru í kosningum sem fram fóru í gær í Malasíu.

Ríkisstjórnarflokkarnir halda með þessari niðurstöðu óslitnum völdum frá því að landið fékk sjálfstæði frá Bretum árið 1957. Síðan þá hafa verið haldnar tólf þingkosningar.

Flokkur forsætisráðherrans mætti engu að síður samhentari andstöðu en áður í sameinuðu framboði þriggja flokka. Leiðtogi stjórnarandstöðunnar, Anwar Ibrahim, hefur sakað stjórnina um hroka, bruðl og mismunun þjóðarbrota.

Fyrir kosningarnar var Þjóðarfylkingin með 135 sæti í þinginu og hefur því tapað 23 þingsætum.

Metþáttaka var í kosningunum, en tíu milljónir af um þrettán milljónum skráðra kjósenda mættu á kjörstað, eða um áttatíu prósent.