Sviptur kjörgengi ævilangt

Pervez Musharraf, fyrrverandi leiðtogi herforingjastjórnarinnar í Pakistan, er ekki lengur kjörgengur í landinu. Þetta er niðurstaða dómstóla og gildir til frambúðar, en hann hafði hugað á endurkomu í stjórnmálin.

Musharraf stýrði landinu á árunum 1999 til 2008 en hefur dvalið erlendis í sjálfskipaðri útlegð. Hann sneri aftur til landsins fyrir skömmu en var handtekinn, ásakaður um landráð og aðild að morðinu á Benasir Bhutto, fyrrverandi forsætisráðherra. Hann er nú í stofufangelsi á meðan rannsókn stendur yfir.