Innlent

Móri sektaður fyrir að elta Erp

Stígur Helgason skrifar
Móri vildi ekki fá 100 þúsund króna sekt þannig að hún var lækkuð í 50 þúsund.Fréttablaðið/vilhelm
Móri vildi ekki fá 100 þúsund króna sekt þannig að hún var lækkuð í 50 þúsund.Fréttablaðið/vilhelm

Rapparinn Móri var í gær dæmdur til að greiða 50 þúsund króna sekt í ríkissjóð fyrir að hóta öðrum rappara, Erpi Eyvindarsyni, með hníf í febrúar 2010.

Rappararnir tveir voru þá mættir á útvarpssvið 365 miðla til að jafna í beinni útsendingu í þættinum Harmageddon langvinnan ágreining sinn um hvor væri meiri frumkvöðull í rappi.

Það fór ekki betur en svo að Móri, réttu nafni Magnús Ómarsson, veittist að Erpi með hnífi og elti hann um gólfið.

Ákæra á hendur Móra var gefin út nýverið, eftir að málið hafði velkst í réttarkerfinu í heil þrjú ár. Hann var ákærður fyrir að hóta Erpi með hnífnum og vekja þannig hjá honum ótta um líf sitt og heilbrigði. Þá var hann ákærður fyrir vopnalagabrot vegna rafbyssu sem hann hafði þar meðferðis.

Ákæran var þingfest í Héraðsdómi Reykjavíkur í gær og þar játaði Móri sök. Héraðsdómarinn Arngrímur Ísberg beið ekki boðanna heldur lauk málinu á staðnum með sektargerð.

Saksóknari fór fram á að Móri yrði sektaður um 100 þúsund krónur, en gegn mótmælum Móra sjálfs féllst hann á að lækka kröfuna í 50 þúsund krónur og á það féllst Arngrímur.

Rafbyssan, af gerðinni Muzzle Man, var gerð upptæk.


Tengdar fréttir

Rapparastríð leiðir til ákæru gegn Móra

Rapparinn Móri hefur verið ákærður fyrir hótanir og vopnalagabrot þremur árum eftir að hann elti Erp Eyvindarson um útvarpssvið 365 vopnaður hnífi og rafbyssu. Lögregla taldi fyrst að atvikið hefði verið sviðsett og felldi rannsókn þess niður.

Vopnaleit á tónleikum Móra

„Það verður náttúrlega vopnaleit við hliðið. Það þarf enginn að óttast stungur eða neitt,“ segir rapparinn Móri.

Erpur tjáir sig ekki vegna rannsóknarhagsmuna

Erpur Eyvindarson rappari segist vera búinn að gefa skýrslu til lögreglu um árásina sem hann varð fyrir á mánudaginn. Hann segist ekki geta tjáð sig um árásina að svo stöddu vegna þess að rannsóknin sé enn í fullum gangi. „Þetta er viðkvæmt mál," segir Erpur. Hann útilokar þó ekki að hann muni tjá sig síðar.

Erpur og Móri ætla að kæra hvor annan

Rapparinn Erpur Eyvindarson átti fótum sínum fjör að launa á útvarpsstöðinni X-inu í gær þegar annar rappari, Móri, réðst að honum vopnaður hníf og rafbyssu.

Á fimmta þúsund hata að Móri reyni að stinga þau

Fljótlega eftir að fréttir bárust af átökum Magnúsar Björnssonar, sem er betur þekktur sem rapparinn Móri, og Erps Eyvindarsonar í húsakynnum útvarpsstöðvarinnar X-ins 977 í Skaftahlíð í gær var stofnaður hópur á Facebook sem heitir: „Ég hata þegar Móri reynir að stinga mig þegar ég er að skúra.“ Viðbrögðin létu ekki á sér standa og fjölgaði miðlimum hópsins ört og í dag eru þeir orðnir tæplega 4800.

Rappheimur í sjokki eftir hnífaárás atvinnukrimmans

„Þetta hefur aldrei gerst áður á Íslandi," segir tónlistarmaðurinn Halldór Halldórsson, oftast nefndur Dóri DNA, um hnífaárás Móra þar sem hann reyndi að stinga tónlistarmanninn Erp Eyvindarson síðdegis í dag. Dóri DNA heldur úti rappþættinum Haförninn á Rás 2 og þekkir mjög vel til rapptónlistarheimsins. Spurður hvort árásin í dag eigi sér fordæmi segir hann svo ekki vera.

Rappstríð í Reykjavík: Útvarpsmaður kom til bjargar

„Þetta er einn æsilegasti þátturinn sem ég hef verið í,“ segir Frosti Logason, annar umsjónarmanna þáttarins Harmageddon á útvarpsstöðinni X-inu en hann lenti í átökum við rapparann Magnús Ómarsson, eða Móra eins og hann er kallaður, þegar hann lagði til Erps Eyvindarsonar með hnífi.

Móri: „Ég startaði ekki þetta sjitt“

Rapparinn Móri segist ekki hafa átt upptökin að átökunum sem urðu á milli hans og tónlistarmannsins Erps Eyvindarsonar en Móri lagði til hans með hnífi í húsnæði útvarpsstöðvarinnar X-ins 977 síðdegis í dag.

Móri reyndi að stinga Erp

Magnús Ómarsson, betur þekktur sem Móri, reyndi að stinga rapparann Erp Eyvindarson í húsakynnum útvarpsstöðvarinnar X-ins 977 í Skaftahlíð í dag. Móri og Erpur hafa deilt harkalega að undanförnu. Erpur lýsti til að mynda yfir í útvarpsþættinum Harmageddon á X-inu á dögunum að hann hefði uppgvötað Móra á sínum tíma. Móri sagðist aftur í móti í viðtali við Fréttablaðið fyrir helgi vera búinn að rappa síðan Erpur var í bleyju.

Móri gaf sig fram til lögreglu

Tónlistarmaðurinn Móri, eða Magnús Ómarsson, gaf sig fram til lögreglunnar í Reykjavík um klukkan hálf sex í kvöld. Þá hafði lögreglan leitað hans vegna hnífaárásar þar sem Móri á að hafa lagt til Erps Eyvindarsonar, tónlistarmanns, með hnífi. Erpur hlaut skrámur við árásina en slapp furðu vel, meðal annars vegna þess að útvarpsmaðurinn Frosti Logason gekk á milli þeirra.

Móri sakar Erp um að endurskrifa söguna

„Ég er búinn að rappa síðan Erpur var í bleyju,“ segir rapparinn Móri. Erpur lýsti yfir í útvarpsþættinum Harmageddon á dögunum að hann hefði uppvötað Móra á sínum tíma. Sagðist hann hafa fundið Móra í ræsinu fyrir utan Nonnabita og vísar í að þeir hafi hist fyrst á skemmtistaðnum Thomsen, sem stóð við Hafnarstræti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.