Innlent

Á fimmta þúsund hata að Móri reyni að stinga þau

Fyrir utan útvarpssvið 365 í gær. Lögreglan var með mikinn viðbúnað vegna málsins.
Fyrir utan útvarpssvið 365 í gær. Lögreglan var með mikinn viðbúnað vegna málsins. Mynd/Pjetur
Fljótlega eftir að fréttir bárust af átökum Magnúsar Björnssonar, sem er betur þekktur sem rapparinn Móri, og Erps Eyvindarsonar í húsakynnum útvarpsstöðvarinnar X-ins 977 í Skaftahlíð í gær var stofnaður hópur á Facebook sem heitir: „Ég hata þegar Móri reynir að stinga mig þegar ég er að skúra." Viðbrögðin létu ekki á sér standa og fjölgaði miðlimum hópsins ört og í dag eru þeir orðnir rúmlega 4800.

Móri og Erpur hafa deilt harkalega að undanförnu og til stóð að þeir græfu

stríðsöxina í beinni útsendingu í þættinum Harmageddon á X-inu í gær. Aftur á móti mætti Móri með dobermanhund og vopnaður hníf og rafbyssu. Þegar Erpur kom á staðinn sauð upp úr og reyndi Móri að stinga Erp sem náði að verjast með skúringamoppu.

Sjálfur segist Móri ekki hafa átt upptökin að átökunum og að fréttir af málinu gefi ekki skýra mynd af atburðarásinni.

Móri og Erpur ætla að kæra hvorn annan vegna málsins.

Hægt er að sjá Facebook-síðu hópsins hér.






Tengdar fréttir

Móri sakar Erp um að endurskrifa söguna

„Ég er búinn að rappa síðan Erpur var í bleyju,“ segir rapparinn Móri. Erpur lýsti yfir í útvarpsþættinum Harmageddon á dögunum að hann hefði uppvötað Móra á sínum tíma. Sagðist hann hafa fundið Móra í ræsinu fyrir utan Nonnabita og vísar í að þeir hafi hist fyrst á skemmtistaðnum Thomsen, sem stóð við Hafnarstræti.

Rappheimur í sjokki eftir hnífaárás atvinnukrimmans

„Þetta hefur aldrei gerst áður á Íslandi," segir tónlistarmaðurinn Halldór Halldórsson, oftast nefndur Dóri DNA, um hnífaárás Móra þar sem hann reyndi að stinga tónlistarmanninn Erp Eyvindarson síðdegis í dag. Dóri DNA heldur úti rappþættinum Haförninn á Rás 2 og þekkir mjög vel til rapptónlistarheimsins. Spurður hvort árásin í dag eigi sér fordæmi segir hann svo ekki vera.

Rappstríð í Reykjavík: Útvarpsmaður kom til bjargar

„Þetta er einn æsilegasti þátturinn sem ég hef verið í,“ segir Frosti Logason, annar umsjónarmanna þáttarins Harmageddon á útvarpsstöðinni X-inu en hann lenti í átökum við rapparann Magnús Ómarsson, eða Móra eins og hann er kallaður, þegar hann lagði til Erps Eyvindarsonar með hnífi.

Erpur og Móri ætla að kæra hvor annan

Rapparinn Erpur Eyvindarson átti fótum sínum fjör að launa á útvarpsstöðinni X-inu í gær þegar annar rappari, Móri, réðst að honum vopnaður hníf og rafbyssu.

Móri: „Ég startaði ekki þetta sjitt“

Rapparinn Móri segist ekki hafa átt upptökin að átökunum sem urðu á milli hans og tónlistarmannsins Erps Eyvindarsonar en Móri lagði til hans með hnífi í húsnæði útvarpsstöðvarinnar X-ins 977 síðdegis í dag.

Móri reyndi að stinga Erp

Magnús Ómarsson, betur þekktur sem Móri, reyndi að stinga rapparann Erp Eyvindarson í húsakynnum útvarpsstöðvarinnar X-ins 977 í Skaftahlíð í dag. Móri og Erpur hafa deilt harkalega að undanförnu. Erpur lýsti til að mynda yfir í útvarpsþættinum Harmageddon á X-inu á dögunum að hann hefði uppgvötað Móra á sínum tíma. Móri sagðist aftur í móti í viðtali við Fréttablaðið fyrir helgi vera búinn að rappa síðan Erpur var í bleyju.

Móri gaf sig fram til lögreglu

Tónlistarmaðurinn Móri, eða Magnús Ómarsson, gaf sig fram til lögreglunnar í Reykjavík um klukkan hálf sex í kvöld. Þá hafði lögreglan leitað hans vegna hnífaárásar þar sem Móri á að hafa lagt til Erps Eyvindarsonar, tónlistarmanns, með hnífi. Erpur hlaut skrámur við árásina en slapp furðu vel, meðal annars vegna þess að útvarpsmaðurinn Frosti Logason gekk á milli þeirra.

Mest lesið


Fleiri fréttir

Sjá meira


×

Mest lesið