Knútur til sýnis á ný

Ísbjörninn Knútur sem fangaði hug og hjörtu heimsbyggðarinnar eftir að hann fæddist í dýragarðinum í Berlín árið 2006 hefur verið stoppaður upp. Knútur verður framvegis til sýnis á Náttúruminjasafninu í Berlín. Knútur varð heimsfrægur á nokkrum dögum í desember árið 2006 enda þótti hann yfirmáta krúttlegur. Hann var alinn upp af starfsfólki dýragarðsins þar sem móðir hans hafnaði honum af óþekktum ástæðum. Hulunni var svipt af uppstoppuninni af Knúti á föstudag en hann lést eftir glímu við heilabólgu í mars 2011.