Jafna réttindi tveggja mæðra

Stjórnvöld í Danmörku vinna nú að því að jafna rétt foreldra af sama kyni. Eignist tvær konur saman barn undir núverandi fyrirkomulagi, til dæmis með tæknifrjóvgun, verður sú sem ekki gengur með barnið að ættleiða það eftir fæðingu og ef sæðisgjafi er þekktur verða að líða tvö og hálft ár hið minnsta áður en hægt er að sækja um ættleiðingu.

Gangi áætlanir hins vegar eftir munu mæðurnar sjálfkrafa hljóta sömu stöðu gagnvart barninu og sé sæðisgjafi þekktur er hægt að útkljá það mál með skriflegu samkomulagi fyrir fæðingu barnsins.