Ekkert gefið eftir í skotboltanum

Guðni Kjartansson, aðstoðarlandsliðsþjálfari íslenska kvennalandsliðsins í fótbolta, bauð upp á upphitun af gamla skólanum þegar hann skipulagði skotbolta á milli ungra og eldri á æfingu liðsins í Vaxjö í dag.

Það var létt yfir hópnum í sól og blíðu á æfingavellinum enda stelpurnar kátar eftir langþráð stig sem kom í hús kvöldið áður í 1-1 jafntefli á móti Noregi í fyrsta leik stelpnanna á EM í Svíþjóð.

Það var vel tekist á skotboltanum enda allar stelpurnar í íslenska liðinu mikli keppnismenn.  Sigurður Ragnar Eyjólfsson, landsliðsþjálfari, var reyndar ekki alveg sama um þróun mála á ákveðnum tímapunkti í skotboltanum og bað þá stelpurnar um að passa upp á það að togna ekki.

Það tognaði nú enginn sem betur fer en þær voru örugglega nokkrar með boltaför eftir föst þrumuskot félaga sinna. Þar var nefnilega ekkert gefið eftir.