Fimm ára drengur skaut tveggja ára systur sína

Þessi skelfilegi atburður gerðist síðdegis í gær þegar drengurinn var að leika sér með riffil sem hann hafði þá nýverið fengið í afmælisgjöf; .22 kalibera riffil og skaut hann fyrir slysni systur sína í brjóstið og til bana.

Um er að ræða Crickett-riffil, sem er sérstaklega hannaður fyrir bandaríska æsku. Að sögn yfirvalda er barnaöryggi á byssunni en það virtist ekki breyta því að riffillinn var hlaðinn þegar drengurinn var að handleika vopnið.

Reuters ræðir við dánardómsstóran í Cumberland-sýslu Gary sem segir að enginn hafi áttað sig á því að riffillinn væri hlaðinn en móðir barnanna var heima við hreingerningar. White segir atvikið hörmulegt og hann hafi, á sínum fimmtán ára ferli, ekki lent í öðru eins. Hann vonast til þess að atvikið verði til þess að foreldrar átti sig á því að riffla verði að geyma á öruggum stað. Enn er ekki tímabært að ræða um hvort ákært verði í málinu.