Blindum vinum vísað úr flugi

Flugfélagið Thomson í Bretlandi vísaði tveimur blindum vinum úr flugi vegna þess að þeir gátu ekki farið eftir öryggisreglum félaganna. Vinirnir tveir, sem heita Lauren Wigglesworth og Stephen Sherwood ætluðu að fljúga til Mallorca. Áður en flugið fór í loftið óskuðu þeir eftir hjálp við að setja björgunarvesti á sig en þá var þeim sagt að þau gætu ekki fengið far hjá flugfélaginu.

Þau fengu tvo valmöguleika. Annað hvort myndu þau finna sér aðstoðarmann sem hefði fulla sjón eða þá að þau myndu aflýsa sumarfríinu sínu. „Það að taka einhvern með mér gengur auðvitað þvert á það markmið að ferðast til útlanda án þess að hafa foreldra mína með. Svo hef ég einfaldlega ekki efni á því,“ sagði hin 27 ára gamla Wigglesworth í samtali við The Independent. Hún sagði að sér byði við framkomu flugfélagsins.

Í yfirlýsingu sem flugfélagið sendi frá sér sagði félagið að það harmaði að unga fólkið gæti ekki ferðast. Reglur flugfélagsins varðandi öryggismál væru þó skýrar.

Það var breska blaðið Independent sem greindi frá þessu.