Páfar hittust í Vatíkaninu

Benedikt páfi emeritus sneri aftur í Vatíkanið í dag, tveimur mánuðum eftir að hann sagði af sér embætti páfa. Honum var flogið í Vatíkanið með þyrlu, en hann hefur verið fjarverandi að undanförnu. Þrátt fyrir að hafa látið af embætti páfa mun hann búa í Vatíkaninu til frambúðar, að því er segir á fréttavef BBC.

Frans páfi tók á móti Benedikt þegar hann kom í Vatíkanið. Honum var svo ekið á nýtt heimili sitt. Benedikt sextándi sást síðast opinberlega þann 23. mars síðastliðinn. Miklar vangaveltur hafa verið að undanförnu um heilsufar hans. Talsmenn Vatíkansins fullyrða hins vegar að hann sé við ágæta heilsu.