Líklegt að Angelina láti fjarlægja eggjastokkana

Mjög líklegt þykir að leikkonan Angelina Jolie muni láta fjarlægja eggjastokka sína á næstunni. Eins og heimsbyggð veit gekkst hún nýlega undir tvöfalt brjóstnám og greindi frá því í The New York Times.

Móðir Angelinu lést af völdum krabbameins aðeins 56 ára að aldri. Angelina ber sama genamengi,  BRCA1, sem gerði líkurnar á að hún fengi eggjastokkakrabbamein um 50 prósent og brjóstakrabbamein 87 prósent.  Með brjóstnáminu fóru líkurnar niður í 5 prósent, en talið er enn séu helmings líkur á að Angelina geti fengið krabbamein í eggjastokkana.

ABC News fjallar um málið og hefur eftir People Magazine að leikkonan muni að öllum líkindum láta fjarlægja eggjastokka sína á næstunni. Angelina er 37 ára og á sex börn með unnusta sínum Brad Pitt, þar af þrjú ættleidd.