Börn létu lífið í sprengjuárás

Níu létust í sjálfsmorðsárás í borginni Kabúl Afganistan í gær og 20 slösuðust. Árásin er talin tengjast heimsókn nýs yfirmanns varnarmálaráðuneytis Bandaríkjanna til borgarinnar.

Fréttaritari Breska ríkisútvarpsins BBC segir að talið sé að Talíbanar séu að baki árásarinnar. Þá berast fréttir af annarri sprengjuárás í nágrannaborg Kabúl í gær og er talið að þar hafi átta börn látið lífið og einn lögreglumaður. Á laugardaginn bárust einnig fréttir af sjálfsmorðsárás í Kabúl.

Þá varð lögreglumaður var við árásarmanninn og náði að halda honum niðri svo hann kæmist ekki inn í mannmergð.

Lögreglumaðurinn lét lífið og tólf og fjórtán ára drengir sem voru að störfum nálægt.