Kjör á nýjum páfa hefst eftir helgi

Kjör á nýjum páfa hefst á þriðjudaginn, 12. mars. Hundrað og fimmtán kardínálar velja nýjan páfa en kosningin fer fram í Sixtínsku kapellunni í Vatíkaninu í Róm.

Síðasta páfakjör tók þrjá daga svo það lítur allt út fyrir að nýr páfi verði valinn fyrir lok næstu viku. Kardínálarnir vonast til að hafa lokið kjörinu fyrir páska.

Kosið verður aftur og aftur þar til einn maður hefur hlotið tvo þriðju hluta atkvæða.

Benedikt sextándi páfi sagði af sér embætti í febrúar og var sá fyrsti til þess að hætta í 598 ár.