Fimm á dag reyna að taka byssu með um borð

Á þessu ári hefur verið lagt hald á 894 byssur í bandarískum flugstöðvum. Það er 30 prósenta aukning frá fyrstu sex mánuðum ársins í fyrra.

Viðmælandi AP segir marga Bandaríkjamenn ekki geta hugsað sér að fara út fyrir hússins dyr án byssunnar og því reyni fólk að taka þau með í ferðalagið. Í fæstum tilfellum verða eftirmál af smygltilraununum þar sem lög um vopnaburð eru mjög frjálsleg í þeim ríkjum þar sem flestir reyna að ferðast með byssu.

Suðvestrið ber höfuð og herðar yfir önnur svæði hvað vopnaburð varðar, og voru til dæmis 96 farþegar gripnir með byssu á flugvellinum í Atlanta í fyrra. Til samanburðar var aðeins ein byssa gerð upptæk á JFK-flugvelli í New York í fyrra, þeim stærsta í Bandaríkjunum.

Vefsíðan Túristi.is leitaði eftir sambærilegum upplýsingum frá Isavia án árangurs, en þar var vísað til reglugerðar um flugvernd.