Harðlínumenn láta til sín taka

Írönsk stjórnvöld hafa þrengt skilyrði um kjörgengi til forseta landsins, sem virðist beint gegn tveimur valinkunnum mönnum sem hugðu á framboð.

Stjórnlagaráð synjaði þeim Akbar Hasjemi Rafsjanjaní, sem er fyrrverandi forseti og tengdur umbótaöflum, og Esfandíar Rahím Masjaei, sem er nátengdur Ahmedinejad, fráfarandi forseta, sem hefur troðið illsakir við byltingarvörðinn.

Eftir standa átta frambjóðendur til kosninganna sem haldnar verða um miðjan júní, flestir harðlínumenn og fylgjendur Khameinis erkiklerks. - þj