Sprengjuárás við sendiráð Írans í Beirút

Tvær sprengjuárásir við íranska sendiráðið í Beirút, höfuðborg Líbanons, kostaði að minnsta kosti tíu manns lífið i morgun. Gríðarlegar skemmdir urðu á byggingum og bifreiðum.

Árásin var gerð í hverfinu Janah, þar sem Hesbolla-samtökin hafa mikil ítök.

Sprengingarnar eyðilögðu voldugt hlið, sem er fyrir framan sendiráðsbygginguna, en ekki er enn vitað hvort einhver varð fyrir meiðslum í sendiráðinu sjálfu.

Misvísandi frásagnir eru af því, hvernig árásin var gerð. Fréttastofa íranska ríkisins segir fyrri árásina hafa verið gerða af fótgangandi sjálfsvígsárásarmanni, en sú síðari hafi verið bílsprengja.

Vitni sagði AP fréttastofunni hins vegar að fyrri árásin hafi verið gerð af manni, sem kom akandi á vélhjóli og sprengdi sig síðan í loft upp fyrir framan sendiráðið.