48 þúsund króna hámarksútekt

Bankar á Kýpur opna á hádegi í dag, eftir að hafa verið lokaðir í tæpar tvær vikur. Fregnir herma að öryggisgæsla við fjármálastofnanir í landinu sé mikil.

Þá hafa fjölmiðlar á Kýpur greint frá því að reiðufé hafi verið flutt í seðlabanka landsins aðfaranótt miðvikudags og það með hjálp flutningabíla og vopnaðra lögreglumanna. Fjármálaráðherra Kýpur tilkynnti síðan í gær að einstaklingar gætu ekki tekið út meira en þrjú hundruð evrur á dag eða það sem nemur um fjörutíu og átta þúsund krónum. Sem fyrr eru fjármagnsflutningar úr landinu bannaðir.

Kýpur er fyrsti meðlimur evrusvæðisins sem innleiðir slíkar hömlur.