Samsung tölvur sagðar áreiðanlegastar

Samsung tölvur eru áreiðanlegustu tölvur á markaðnum í dag og bila minnst samkvæmt áreiðanleikakönnun tölvuviðhaldsfyrirtækisins Rescuecom sem birt var á dögunum.

Samsung fékk 648 stig í könnuninni, Asus var í öðru sæti með 332 stig og Lenovo/IBM í því þriðja með 228 stig. HP varð síðan í fjórða sætinu með 124 stig, Toshiba varð í fimmta sæti með 118 stig og Apple í því sjötta með 76 stig.

„Samsung hefur verið í mikilli sókn og þessar niðurstöður eru í takt við það sem við höfum verið að finna á markaðnum hér heima,“ segir Ingi Björn Ágústsson, rekstrarstjóri hjá Samsung setrinu.

Listi yfir áreiðanlegustu tölvurnar og stigin í áreiðanleikakönnun Rescuecom:

1. Samsung (648)

2. Asus (332)

3. Lenovo/IBM (228)

4. HP (124)

5. Toshiba (118)

6. Apple (76)

7. Dell (60)

8. Sony (54)

9. Acer (28)