Líkur á að rússneska draugaskipið sé enn á floti

Landhelgisgæslan útilokar ekki að rússneska draugaskipið Lyubov Orlova sé enn á reki á Norður Atlantshafinu, en írska strandgæslan taldi í síðustu viku að það væri sokkið vegna merkja frá neyðarsendi, sem á ekki að hefja sendingar fyrr en hann lendir í sjó.

Nú er komið í ljós að töluvert rek var á sendinum, í þá tvo sólarhringa, sem hann sendi, og því er ólíklegt að hann sé um borð í skipinu, því ekkert rek hefði átt að vera á því sokknu.

Orlova er skemmtiferðaskip og var verið að draga það til niðurrifs þegar það losnaði aftan úr dráttarbáti fyrir nokkrum vikum. Engin maður er um borð í skipinu, en þar var hinsvegar mikill rottugangur, síðast þegar vitað var.