„Kanadíski geðsjúklingurinn“ mætir fyrir dómara

Kanadíski klámmyndaleikarinn Luka Rocco Magnotta verður dreginn fyrir dómara á næstu dögum. Hann er sakaður um að hafa myrt kínverskan mann, hlutað líkama hans niður og sent með pósti á skrifstofur stjórnmálaflokka í Kanada.

Magnotta, sem er þrítugur, var handsamaður af lögregluyfirvöldum í Þýskalandi í júní en hann flúði þangað frá Kanada. Hann var um tíma eftirlýstur af Interpol.

Talið er að Magnotta hafi banað unnusta sínum með hnífi og því næst misþyrmt líkama hans kynferðislega. Magnotta myndaði verknaðinn og birti á veraldarvefnum.

Hann hefur hlotið viðurnefnið „Kanadíski geðsjúklingurinn" og er það með vísun í bandarísku kvikmyndina „American Psycho" frá árinu 2000. Tónlist úr kvikmyndinni ómaði á upptöku Magnotta.