Fangi breytti sér í gleðikonu

Kólómbískum fanga tókst að flýja og til að dyljast fyrir lögreglu fór hann í brjóstaaðgerð og klæddi sig sem kona til að forðast fangelsisvist.

Giovanni Rebolledo, sem dæmdur var árið 2012 til 60 ára fangelsisvistar fyrir mannrán, rán, kúgun og pyntingar, undirgekkst skurðaðgerð, fékk sér gervibrjóst og kallaði sig Rósalinda. Eftir umfangsmikla yfirhalningu tók hann svo að starfa sem vændiskona í bænum Viejo Prado sem er norðverstur af borginni Barranquillia. En þrátt fyrir gerbreytt útlit tókst lögreglunni að bera kennsl á hann við hefðbundið eftirlit.

Hann var handtekinn og var svo hafður sérstaklega til sýnis í kólómbískum fjölmiðlum. Blaðið El Tiempo greinir frá því að Rebolledo sé upphaflega frá höfuðborginni Bogota og tilheyrði glæpagenginu Los Tobos sem stundaði það að láta fagrar konur táldraga ríka menn menn sem þeir svo rændu. Þá pyntuðu þeir mennina til dæmis með því að gefa þeim rafstuð og fengu þá til að afhenda sér pin-númer kreditkota sinna og önnur verðmæti.