Fjörutíu látnir í Tyrklandi

Fjörtíu er látnir og um hundrað slasaðir eftir að bílasprengja sprakk í  bænum Reyhanli í Tyrklandi í morgun, en bærinn er við landamæri Sýrlands. Talið er að tvær bílasprengjur hafi sprungið nærri pósthúsinu í bænum með þessum afleiðingum.

Enginn hefur lýst yfir ábyrgð vegna sprengjutilræðanna en innanríkisráðherra Tyrklands grunar sýrlensku leyniþjónustuna og ýjaði að því í viðtali við erlendar fréttaveitur.

Bærinn er fyrsti viðkomustaður flóttamanna til Tyrklands en ríkisstjórnin er hliðholl uppreisnarmönnum í Sýrlandi og hefur meðal annars stutt uppreisnarmenn með því að leyfa þeim að koma yfir landamærin. Sprengjurnar sprungu með 15 mínútna millibili og eyðileggingin virðist vera gríðarleg.