Tíu ára lét lífið þegar skilti féll á hann

Tíu ára drengur lét lífið og aðrir fjölskyldumeðlimir slösuðust þegar stórt skilti féll á fjölskylduna á flugvellinum í Birmingham í Alabama-fylki.

Móðir drengsins liggur á sjúkrahúsi og er ástand hennar talið alvarlegt. Auk þess voru tvö systkina drengsins flutt á sjúkrahús. AP-fréttastofan greinir frá þessu og hefur eftir slökkviliðsmönnum að skiltin, sem sýni komur og brottfarir, séu um 150-200 kg að þyngd.

Sjónarvottur sagði að hár hvellur hefði heyrst þegar skiltið féll á fjölskylduna. Viðkomandi auk fimm annarra reyndu strax að reisa skiltið við en í tilfelli drengsins var það um seinan.

Talsmaður á flugvellinum segir ekki liggja ljóst fyrir hvað hafi orðið til þess að skiltið féll.