Réttað yfir nýnasista

Í dag hefjast réttarhöld í Þýskalandi yfir Beate Zchaepe, nýnasista sem ákærð er fyrir að hafa átt þátt í tíu morðum.

Beate tilheyrði hópi nýnasista en félagar hennar eru allir látnir. Hópurinn drap átta menn af tyrkneskum uppruna, þýska lögreglukonu og grískan innflytjanda auk þess að vinna ýmis spellvirki. Þessi réttarhöld hafa vakið mikla athygli í Þýskalandi og er búist við fjölmenni við dómshúsið. Merkel, kanslari Þýskalands, segir málið til háborinnar skammar fyrir þýsku þjóðina.