Obama reynir að lágmarka skaðann

Obama Bandaríkjaforseti skipaði í gær nýjan yfirmann alríkisskattstofunnar og hét því, við sama tækifæri, að engin samtök myndu sæta ómaklegri afgreiðslu af hálfu stofnunnarinnar, sem byggði á pólitískum skoðunum viðkomandi.

Þetta er eftir eitt mesta hneyksli sem Obama-stjórnin hefur mátt þola, þegar upp komst að hægrisinnuð samtök tengd Teboðshreyfingunni sættu nánast ofsóknum af hálfu skattsins. Danny Werfel tekur við og þarf nú að takast á við þessa erfiðu stöðu.

Í öllum helstu miðlum er greint frá því að Obama sé nú á ýmsum vígstöðvum í því sem heitir að lágmarka skaðann vegna erfiðra mála.