Höfuðpaurinn í Lestarráninu mikla er látinn

Bruce Reynolds, maðurinn sem skipulagði Lestarránið mikla í Bretlandi, er látinn 81 árs að aldri.

Lestarránið mikla er einn umtalaðasti glæpur á síðustu öld. Hópur glæpamanna undir stjórn Reynolds stöðvaði póstlestina frá Glasgow til London árið 1963 og rændi úr henni 2,6 milljónum punda í notuðum seðlum. Þetta voru gífurleg verðmæti á sínum tíma.

Megnið af þýfinu fannst aldrei en Reynolds var á flótta undan lögreglunni í áraraðir eftir ránið. Hann gafst að lokum upp, gaf sig fram og hlaut 11 ára fangelsisdóm. Reynolds slapp úr fangelsi árið 1979.

Reynolds gaf úr ævisögu sína í lok síðustu aldar. Þar segir hann að lestarránið hefði reynst honum mikil bölvun því fáir eða engir vildu ráða hann í vinnu eftir að hann slapp úr fangelsi.