Hugo Chavez berst fyrir lífi sínu

Hugo Chavez forseti Venesúela berst fyrir lífi sínu, að sögn varaforseta landsins, en hann er þungt haldinn eftir nokkrar krabbameinsaðgerðir á síðustu tæpum tveimur árum.

Chavez hefur ekki sést opinberlega síðan hann fór til Kúbu í desember s.l. þar sem hann fór í fjórðu aðgerð sína gegn krabbameini. Fréttir hafa borist um að hann eigi við mikla öndunarörðugleika að stríða.

Varaforsetinn segir að Chavez berjist fyrir lífi sínu og heilsu en hann hafi fórnað heilsunni í baráttu sinni fyrir land og þjóð.