Að minnsta kosti þrjátíu látnir í eftir röð sprengjuárása í Írak

Að minnsta kosti þrjátíu eru látnir og fjölmargir sárir eftir röð sprengjuárása í Írak síðustu klukkustundirnar.

Höfuðborgin Bagdad varð verst úti en þar sprungu átta sprengjur nærri strætóstöðvum og á mörkuðum í hverfum síta. Fyrr um daginn höfðu tvær sprengjur sprungið í borginni Basra í suðurhluta landsins. Að minnsta kosi tuttugu fórust í Bagdad og tíu í Basra.

Engin samtök hafa lýst ábyrgð árásanna á hendur sér en spenna á milli shíta, sem eru í meirihluta í landinu og leiða ríkisstjórnina og súnníta, sem eru í minnihluta, fer vaxandi dag frá degi.