Um 1400 manns þurftu að yfirgefa Eiffelturninn

Um 1400 manns þurftu að yfirgefa Eiffelturninn í um það bil tvo klukkutíma í kvöld eftir að ónafngreindur aðili hringdi inn og sagði að sprengja væri í turninum. Turninn var svo opnaður aftur eftir að leitarhundar höfðu farið um bygginguna án þess að finna neitt.

Frönsk yfirvöld hafa aukið viðbúnað gegn hryðjuverkum á undanförnum vikum eftir að fréttir bárust að því að franskir hermenn hefðu tekið þátt í baráttu gegn hryðjuverkamönnum, tengdum al-Qaida á Malí.

Milljónir manna heimsækja Eiffelturninn á hverju ári.