Ómögulegt að ná upp úr holu

Björgunarsveitir í Flórída eru hættar að reyna að ná upp líki mannsins sem jörðin gleypti þar á dögunum.

Risastór hola myndaðist undir húsi hans á fimmtudagsnótt þar sem hann svaf og hvarf hann ofan í hana. Óljóst er hver djúp holan er og sérfræðingar reyna nú að átta sig á stærð hennar og hvort hætta sé á að hún stækki til muna. Nærliggjandi hús í hverfinu hafa öll verið rýmd í öryggisskyni og hús mannsins verður nú rifið til grunna.

Í fyrstu var talið að holan væri um sex metrar á dýpt og níu metrar í þvermál en hún virðist mun dýpri í ljósi þess að ekki hefur tekist að ná líki mannsins upp úr henni.