Náðu samkomulagi um refsiaðgerðir gegn Norður Kóreu

Bandaríkjamenn og Kínverjar hafa komist að samkomulagi um til hvaða aðgerða skuli grípa til að refsa Norður Kóreumönnum fyrir kjarnorkusprenginguna í síðasta mánuði.

Í frétt um málið á vefsíðu BBC segir að tillaga um refsiaðgerðir verði lögð fram á fundi Öryggisráðs Sameinuðu þjóðanna í dag. Hinsvegar hefur ekkert komið fram um hvað fyrrgreint samkomulag feli í sér.

Ónafngreindar heimildir herma að Bandaríkjamenn og Kínverjar hafi náð samkomulagi um aðgerðirnar í gærkvöldi. Hingað til hafa Kínverjar ekki ljáð máls á refsiaðgerðum gegn Norður Kóreru.