Vopnaðir ræningjar keyptu köttinn í sekknum

Eitt af þekktari listagalleríum Danmörku er lokað eftir að vopnað rán var framið þar í fyrradag.

Tveir menn vopnaðir skammbyssum og kylfum réðust inn í Draupner galleríið í Skanderborg. Þeir ógnuðu eigenda gallerísins og höfðu svo á brott með sér listaverk sem þeir töldu vera milljón danskra króna virði.

Verkið sem hér um ræðir samanstendur af þúsund dönskum þúsund króna seðlum sem pakkaðir eru inn í lítið glerbúr. Greint hafði verið frá því opinberlega að þetta verk væri til sýnis í Draupner.

Ræningjarnir keyptu köttinn í sekknum í þessu ráni því listaverkið sem þeir gripu með sér var eftirlíking af upprunalega verkinu sem aðeins er talin um tvö þúsund danskra króna virði.

Flóttabíll ræningjanna fannst skammt fram Skanderborg en ekkert hefur spurst til þeirra að öðru leyti.

Draupner galleríið er m.a. þekkt fyrir að hafa sýnt Múhammeð teikningar Kurt Westergaards.