Hvetur kínversk stjórnvöld til að láta Liu Xiaobo lausan úr fangelsi

John Kerry, utanríkisráðherra Bandaríkjanna, hvatti kínversk stjórnvöld í gær til að láta Nóbelsverðlaunahafann Liu Xiaobo lausan úr fangelsi.

Liu Xiaobo hefur setið í varðhaldi frá árinu 2008 en hann hefur barist fyrir auknum mannréttindum í Kína. Hann hlaut friðarverðlaun Nóbels árið 2010 en kona hans hefur setið stofufangelsi í þrjú ár. Í yfirlýsingu sem Kerry sendi frá sér lýsir hann yfir áhyggjum af stöðu mannréttindamála í Kína og segir að virðing fyrir mannréttindum sé forsenda þess að kínverjar geti tryggt stöðugleika og velsæld til langs tíma.