Obama til varnar Íranssamningnum

„Það getur verið að í pólitík sé auðvelt að vera með stóryrði og hótanir, en það er ekki rétta leiðin þegar öryggi okkar er annars vegar,” sagði Barack Obama Bandaríkjaforseti á samkomu Demókrataflokksins í San Francisco í gærkvöld.

Hann var þarna að vísa til gagnrýni á samningana við Íran um kjarnorkumál, en sá sem hefur hvað harðast gagnrýnt þessa samninga er Benjamín Netanjahú, forsætisráðherra Ísraels.

Obama nefndi þó ekki Netanjahú á nafn, en sagði að Bandaríkin gætu ekki leyft sér að loka viðræðuleiðinni.