Hönnuðu fljótandi borg

Fyrirtæki í Flórída í Bandaríkjunum hefur hannað fljótandi borg sem kallað er Freedom Ship eða á íslensku Frelsisfleyið.  Borgin er í raun og veru skip sem ætlað er að sigla um höfin. Daily Mail segir frá.

Skipið myndi verða um einn og hálfur kílómeter að lengd og 25 hæða hátt. Þar yrði pláss fyrir 50 þúsund íbúa.

Í skipinu yrði skóli, sjúkrahús, verslanir, garðar, listasöfn, sædýrasafn og verslumarmiðstöð. Kostnaður við byggingu skipsins yrði um 10 milljarðar. Skipið yrði um 2,7 milljón tonn að þyngd og myndi því ekki geta lagt við hafnir neins staðar.

Á toppi skipsins yrði flugvöllur sem gæti tekið farþegavélar með allt að 40 manns innan borðs.

Það er fyrirtækið Freedom Ship International sem hannaði skipið.  Varafostjóri fyrirtækisins segir að skipið verði það stærsta sem smíðað hafi verið og fyrsta fljótandi borgin í heiminum.