Íran hættir við kjarnorkusamning

John Kerry, utanríkisráðherra Bandaríkjanna segir Íran hafa hætt við samning um kjarnorkuáætlun Írans á laugardag. Viðræður Írans við Bandaríkin, Bretland, Frakkland, Rússland og Kína plús Þýskaland eða p5+1 löndin eins og þau eru kölluð, hafa farið fram í Genf í Sviss. Sagt frá á vef BBC.

Sagði hann ríkin sex hafa samþykkt samning, en Íran hafi ekki verið tilbúið til að samþykkja hann að svo stöddu. Kerry segist einnig vona að á næstu mánuðum muni samkomulag sem allir geta sæst á litið dagsins ljós. Yukiya Amano framkvæmdastjóri Alþjóðlegu kjarnorkustofnunarinnar sagði stofnunina hafa gert samkomulag við Íran um aukið samtarf og aukin samskipti til að ganga úr skugga um friðsamlegan tilgang kjarnorkuáætlunar Íran.

Íran hefur lengi haldið því fram að kjarnorkuáætlun landsins sé eingöngu ætluð til friðsamlegs tilgangs, en heimsveldin gruna að nota eigi áætlunina til þróunar kjarnorkuvopna.