Ljósmyndar skrítnustu störf Bandaríkjanna

Nancy Rica Schiff er atvinnuljósmyndari sem eltir uppi fólk sem starfar við óvanaleg störf í Bandaríkjunum. Hvort sem það sé hundafóðurssmakkarar, túrtapa eftirlitsmaður eða sprungufyllingarmaður.

Á vef Guardian er farið yfir 12 skringilegustu störfin sem Nancy hefur ljósmyndað og þá sem vinna störfin.

Hér eru nokkur dæmi:

Betty Lyons hefur unnið við að lykta af handarkrikum í 35 ár fyrir rannsóknir með svitalyktareyða. Hún mætti fyrst á vinnustað sinn sem þátttakendi í rannsókn en fór í tæplega eins árs þjálfun fyrir starfið. Flestir slíkir starfsmenn eru konur, en þeir munu geta numið lykt betur en menn.

Jeffrey Bleim vinnur við að kafa eftir golfkúlum á golfvöllum í Flórída. Í vinnunni er hann klæddur í þungan kafarabúning og á síðasta ári sótti hann 800.000 golfkúlur í vötn golfvalla, sem eru um 40 tonn.

Cindy Pina vinnur við kartöfluflögu eftirlit og stendur við færiband og leitar að flögum sem eru fastar saman eða eldaðar um of.

Jeffrey Glanzer  vinnur við að lagfæra sprungur í Mt. Rushmore minnisvarðanum þar sem andlitsmyndir forseta Bandaríkjanna hafa verið höggnar í fjallið.

Daniel Raudabaugh segist ekki vera á móti því hvað hann starfar við, því það leiði oft til skemmtilegs samtals. Hann skoðar túrtappa af mikilli gaumgæfni í sínu starfi og leitar að göllum.

Frank Braisted hefur hreinsað ryk af 145 milljóna ára gömlum beinum í 30 ár. Hann vinnur á Smithshonian safninu í Washington DC og eyðir fimm kvöldum á viku einn með beinagrindunum.

Patricia Patterson vinnur við að smakka hundamat og bera hann saman við mat sem menn borða.