Vonir um að samkomulag náist við Íran

John Kerry utanríkisráðherra Bandaríkjanna er nú á leið til Genfar í Sviss til þess að taka þátt í viðræðum um kjarnorkuáætlun Írana. Kerry er nú á ferð um Miðausturlönd en breytti ferðaáætlununum sínum snarlega þegar yfirmaður utanríkismála hjá Evrópusambandinu, Catherine Ashton, bauð honum á fundinn.

Utanríkisráðherra Írana sagði í gær að samningar náist mögulega í málinu í dag og hefur bjartsýni manna um að hægt verði að leysa þetta deiluefni, aldrei verið meiri. Á fundinum í dag verða hátt settir fulltrúar frá Íran, þeim þjóðum sem eiga fast sæti í öryggisráðinu auk Þjóðverja.