Heilbrigðislög Obama taka gildi í dag

Þrátt fyrir að lokað verði fyrir stóran hluta af opinberri þjónustu í Bandaríkjunum í dag þar sem ekii náðist saman milli þingdeilda um áframhald útgjalda ríkissjóðs hefst í dag nýr kafli í heilbrigðisþjónustu vestra þar sem heilbrigðislöggjöf kennd við Obama forseta gengur í gildi.

Meðal þess helsta sem í því felst er að nú mun efnalitlum, sem áður höfðu takmarkaðan möguleika á að kaupa sér heilbrigðistryggingar standa slíkt til boða, en með nýju lögunum eru allir landsmenn skildaðir til þess að útvega sér tryggingar.

Þá hefur verið komð upp eins konar markaðstorgum fyrir tryggingar þar sem fyrirtækjum er gert skilt að bjóða upp á ýmis konar úrræði meðal annars varðandi geðheilbrigðisjónustu, getnaðarvarnir og fleira. Einnig er skýrt kveðið á um að tryggingafélög megi ekki gera upp á milli viðskiptavina á grundvelli kyns eða heilsufarssögu.

Repúblikanar á þingi hafa gert allt sem í þeirra valdi er tila berjast gegn lögunum, sem þeim finnst leggja óþarfa kvaðir á einstaklinga og fyrirtæki,auk þess sem þeir halda því fram að nýja kerfið sé ósjálfbært og muni koma til með að kosta ríkissjóð mikið.

Málið tengist enda baráttunni um útgjöld ríkisins en meginástæða þess að lokað hefur verið fyrir stóran hluta útgjalda er einmitt að repúblikanar, sem eru í meirihluta í fulltrúadeild þingsins, vildu tengja lausn deilunnar við að fella út sum ákvæði í heilbrigðislöggjöfinni og fresta gildi annarra um eitt ár. Á það gátu demókratar sem eru í meirihluta í öldungadeildinni ekki fallist og því er staðan eins og raun ber vitni.