Vilja Adele aftur í James Bond

Framleiðendur James Bond-myndanna vilja að söngkonan Adele syngi titillag næstu myndarinnar.

Breska söngkonan hefur heldur betur slegið í gegn með síðasta lagi, Skyfall, og hefur unnið öll verðlaun sem hægt er að vinna. Lagið var valið besta lagið á Gold Globe, BRIT Awards og Óskarnum.

„Framleiðendurnir eru í sjöunda himni hvernig hún skilaði laginu frá sér og vilja að hún endurtaki leikinn í næstu mynd," hefur breska götublaðið The Sun eftir heimildarmanni.

Adele eignaðist sitt fyrsta barn á síðasta ári og hefur ekki gefið neinar vísbendingar um það hvenær hún ætli að stíga eftur á svið. Platan hennar 21 er fjórða mest selda breiðskífan í Bretlandi frá upphafi.