Mannfall við kosningar í Kenía

Að minnsta kosti fimmtán hafa látið lífið í árás gengja vopnuðum sveðjum í Kenía í dag. Kosið er til forseta í fyrsta skipti í sex ár.

Útgönguspár benda til þess að settur forsætisráðherra, Uhuru Kenyatta, hafi um 10 prósenta forskot á forsætisráðherrann Raila Odinga. Samkvæmt frétt Reuters er enn of snemmt að spá fyrir um niðurstöðuna.

Talið er að kjörsókn sé yfir 70 prósent og gengu kosningar í dag almennt vel fyrir sig. Þó lentu margir þeirra 14,3 milljóna sem kusu í því að standa í röð í lengri tíma.

Yfir 1200 manns létu lífið í ættbálkastríði sem braust út í Kenía þegar kosið var til embættis forseta árið 2007. Talsmenn beggja framboða hafa hvatt fólk til þess að sýna stillingu til þess að forðast endurtekningu á harmleiknum fyrir sex árum.