Eins og að stökkva í tímavél

Þetta er eins og að lenda í tímavél, sögðu þeir sem komu í fullbúna íbúð sem staðið hafði auð og ósnert í 70 ár.

Um er að ræða íbúð í París sem er milli Pigalle - rauða hverfisins og óperunnar. Konan sem átti íbúðina, De Florian, hafði flúið til Suður-Frakklands þegar seinni heimstyrjöld braust út og kom aldrei til baka.

Íbúðin var fullbúin, þar mátti sjá antíkhúsgögn og ýmsa muni; í raun ómetanlegur fundur því þarna mátti sjá hvernig fólk bjó fyrir stríð í París. En, merkastur muna var þó málverk eftir ítalska málarann Giovanni Boldini. Á því var mynd af fallegri Parísardömu, sem var músa listamannsins og reyndist vera amma De Florian; leikkona og samkvæmisdama.

Málverkið var svo nýverið sett á uppboð og slegið á 326 milljónir sem mun hafa verið metfé fyrir verk eftir Boldini. Enda eykur hin sérstæða sagan verðgildi verksins.

Sjá nánar hér.