Barbara segir bless

Einhver helsta stjarna bandarísks sjónvarps, Barbara Walters, ætlar að hætta á skjánum á næsta ári.

ABC greindi frá þessu en búist er við formlegri tilkynningu frá Walters þessa efnis í dag, en hún er sögð sátt við ákvörðunina. Barbara er kynnir í þættinum "The View" og er orðin 83 ára gömul. Hún kom fyrst fram í sjónvarpi árið 1962 og vakti þá verulega athygli fyrir innslög um málefni kvenna í The Today Show. Walters var í TV Guide metin meðal 50 helstu sjónvarsstjarna allra tíma.