„Hann er skrímsli og ég vona að hann rotni í fangelsi“

„Ég vil að hann þjáist fyrir það sem hann gerði mér og fjölskyldunni,“ segir Onil Castro, bróðir mannsins sem hélt þremur konum föngnum á heimili sínu í Cleveland í áratug, í viðtali við sjónvarpsstöðina CNN. „Hann er skrímsli og ég vona að hann rotni í fangelsi.“

Bræðurnir Onil og Pedro Castro voru handteknir í síðustu viku ásamt bróður sínum vegna málsins en hafa verið látnir lausir þar sem allt bendir til þess að Ariel hafi verið einn að verki.

„Mér þykir leiðinlegt að stúlkurnar hafi þurft að ganga í gegnum þetta en ég er þakklátur fyrir það að þær séu lausar úr þessu hryllilega húsi,“ segir Pedro Castro, en bræðurnir segjast þekkja Felix, föður Ginu DeJesus, einnar konunnar.

„Við höfum þekkt hann heillengi. Og svo heldur hann dóttur hans fanginni? Og faðmar móður hans?“

Onil segir málið hafa „rifið hjarta sitt í sundur“.

„Þetta hefur drepið mig. Ég er gangandi lík núna.“

Viðtalið við bræðurna má sjá í spilaranum hér að ofan.