Fágætur Bítlagítar boðinn upp

Bandarískt uppboðshús mun bjóða upp rafmagnsgítar sem bæði John Lennon og George Harrisson notuðu á hátindi ferils Bítlanna.

Gítarinn er af tegundinni VOX og var sérsmíðaður fyrir Lennon. Menn meta gripinn á 25 til 30 milljónir.

Þá verður boðin upp skikkja sem Elvis lét hanna á sig - en svo mikið af glingri er fest við skikkjuna að hún var 6 kílóa þung og notaði Elvis hana því ekki mikið. Eins verður jakki Mikaels Jackson boðinn upp en jakkanum klæddist Jackson á frægri mynd sem til er af honum með Nelson Mandela.

Sjá nánar hér.