Best að stunda kynlíf inni á baði

Einn af hverjum fimm Þjóðverjum segir að best sé að stunda kynlíf inni á baðherbergi. Þetta eru niðurstöður óformlegrar könnunar sem stjórnendur sjónvarpsþáttar gerðu í landinu á dögunum.

Yfir þúsund manns voru spurðir út í kynlífið sitt, en þar svöruðu 17 prósent að baðherbergið væri besti staðurinn til að njóta ásta en 77 prósent sögðu svefnherbergið. Þjóðverjar eru greinilega ekki mikið fyrir að stunda kynlíf í vinnunni, því einungis 1 prósent aðspurða sögðu það vera besta staðinn.

Samkvæmt niðurstöðunum stunda Þjóðverjar kynlíf oftar en einu sinni í viku, að meðaltali 6,4 sinnum í mánuði. Flestir, eða 66 prósent, sögðust ekki stunda kynlíf á neinum sérstökum vikudegi en 18 prósent sögðust stunda kynlíf oftast á laugardögum.

Þá játuðu 37 prósent aðspurðra að hafa haldið framhjá maka sínum að minnsta kosti einu sinni. Jafnt hlutfall var í svörum við þessari spurningu hjá kynjunum.

Frétt The Local.