Clinton klikkaði á að sameina Led Zeppelin

Það má heita sérkennilegt að einn helsti ósigur Bill Clintons, fyrrum Bandaríkjaforseta, sem hefur marga fjöruna sopið, tengist rokksögunni fremur en flóknum milliríkjasamningum. En, þannig kjósa ýmsir að leggja það upp.

CBS „60 Minutes Overtime" greindi frá því að forsetinn fyrverandi hafi verið fenginn sérstaklega að því að sameina ofurgrúbbuna Led Zeppelin í fyrra. Hugmyndin var að fá þá saman til að koma fram á Superstorm Sandy góðgerðartónleikum í New York City. Bill fór þess á leit en rokkgoðin neituðu.

David Saltsman hjá Robin Hood Foundation greindi frá því að hann, ásamt kvikmyndaframleiðandanum Harvey Weinstein, hafi flogið til Washington sérstaklega til að fara þess á leit við Clinton að hann legði fram þessa ósk en þá voru þeir staddir í Washington þrír af fjórum meðlimum Led Zeppelin: Robert Plant, John Paul Jones og Jimmy Page. En trymbillinn John Bonham er látinn fyrir margt löngu.

Led Zeppelin kom saman saman árið 2007 og spiluðu eina tónleika en síðan ekki söguna meir.