Kosið í Venesúela

Íbúar Venesúela ganga til kosninga í dag til þess að velja eftirmann Hugo Chavez á forsetastóli, en Chavez lést í embætti fyrir nokkrum vikum. Varaforsetinn Nicolas Maduro er talinn líklegur til að tryggja sér embættið en Chavez hafði lýst því yfir fyrir dauða sinn að Maduro væri besti maðurinn í verkið.

Hann berst nú við Henrique Capriles ríkisstjóra í Miranda héraði. Sá tapaði naumlega fyrir Chavez í síðustu kosningum sem fram fóru í landinu í október. Tæplega tuttugu milljónir manna er á kjörskrá og opna kjörstaðir klukkan ellefu að íslenskum tíma.