Manning hafði samúð með Íslendingum - Taldi Íslendinga sæta einelti af hálfu Breta

Bradley Manning, sem sakaður er um að hafa stefnt þjóðaröryggi Bandaríkjanna í hættu þegar hann lak skjölum úr bandaríska utanríkisráðuneytinu til fjölmiðla, segist hafa haft samúð með Íslendingum. Manning er fyrir herrétti þessa dagana, þar sem þetta kom fram. Hann játaði í gær 10 af 22 ákæruliðum en neitaði alvarlegustu ákæruliðunum.

Eftir að hann sendi sendiráðsskjöl til WikiLeaks árið 2010 sagðist Manning hafa orðið var við deilu á Netinu um efnahagsvandræði Íslendinga og átök Íslendinga við Breta. Hann ákvað að kynna sér málið betur með því að nota aðgang sinn að bandaríska tölvuskjölum bandaríska utanríkisráðuneytisins. Hann sagði að hann hefði samúð með Íslendingum og hann teldi að Bretar legðu Íslendinga í einelti og Bandaríkjamenn ætluðu ekki að hjálpa. Hann ákvað því að senda skjöl til WikiLeaks til að varpa ljósi á málið.

Meira má lesa um málið á vef CNN.