Getur ekki hætt að borða svitalyktareyði

Hin nítján ára gamla Nicole er háð því að borða svitarlyktareyði en hún byrjaði á þessum ávana þegar hún var fjögurra ára gömul. Það er ekkert smáræði sem fer ofan í líkama hennar því í hverjum mánuði borðar hún um fimmtán stykki.

„Heilinn minn segir mér: „Þú verður að borða þetta". Ég hef reynt að hætta þessu, í eitt skiptið hætti ég í eina viku en varð fárveik og fékk mikinn höfuðverk. Þegar ég átta mig á því að ég eigi ekki svitalyktareyði fer ég alveg í kerfi. Ég verð mjög áhyggjufull og pirruð. Ég er bara ekki sama manneskja," segir Nicole.

Fjallað var um vandamálið í bandaríska þættinum My Strange Addiction, sem á íslensku myndi útleggjast sem Furðulegur ávani. Læknar hafa ráðlagt henni að minnka neysluna enda hafi hún ekki góð áhrif á meltingarkerfið.

„Þetta er rosalega mjúkt og bráðnar alveg í munninum á manni. Það er mjög sérstakt bragð af þessu," segir hún.

Hægt er að horfa innslagið hér að ofan.